სასწავლო ცენტრი ”ააფ-კაპიტალი” (დირექტორი ნინო კაჭარავა) აგრძელებს საპენსიო რეფორმასთან დაკავშირებული სემინარების ორგანიზებას. მორიგი შეხვედრა შესაბამისი დარგის სპეციალისტებთან თელავში, 29 იანვარს შედგა.
შეგახსენებთ, რომ საპენსიო რეფორმასთან დაკავშირებული ახალი კანონი 2019 წლის 1 იანვრიდანაა ძალაში. კახეთში გამართულ ტრენინგს ჟურნალი ”აუდიტი, აღრიცხვა, ფინანსების” მთავარი რედაქტორი, აუდიტური კონცერნი ”ცოდნისას” მმართველი პარტნიორი გიორგი ცერცვაძე უძღვებოდა. დეტალურად იქნა განხილული საპენსიო შენატანებთან დაკავშირებული საგადასახადო და ბუღალტრული საკითხები. არაერთი პრაქტიკული მაგალითის საფუძველზე იქნა ნაჩვენები საპენსიო დეკლარაციის შედგენისა და წარდგენის სრული პროცესი.
მანამდე, სასწავლო ცენტრმა ”ააფ-კაპიტალმა” საპენსიო თემასთან დაკავშირებული სემინარები თბილისში ჩაატარა.
