2019 წლის 1 იანვრიდან ამოქმედებული ”დაგროვებითი პენსიის შესახებ” საქართველოს კანონთან დაკავშირებულ სიახლეებზე კიდევ ერთი სემინარი ბათუმში შედგა. სასწავლო ცენტრი ”ააფ-კაპიტალის” მიერ ორგანიზებულ მორიგ მასტერ-კლასს გუშინ ტრადიციულად აუდიტური კონცერნი ”ცოდნისას” მმართველი პარტნიორი გიორგი ცერცვაძე უძღვებოდა.
საპენსიო რეფორმის არსი, თეორია, საგადასახადო დაბეგვრა და ბუღალტრული აღრიცხვა - ასეთი იყო სემინარზე განხილული საკითხების ზოგადი ჩამონათვალი. შესაბამისი დარგის სპეციალისტებისთვის ლექტორმა პრაქტიკული მაგალითების საფუძველზე საპენსიო დეკლარაციის შედგენისა და წარდგენის სრული პროცესი განიხილა. საუბარი იყო საპენსიო სააგენტოს პორტალის (pensions.ge) მუშაობის პრინციპებზეც.
ცნობისთვის, სასწავლო ცენტრმა ”ააფ-კაპიტალმა” (დირექტორი ნინო კაჭარავა) დაგროვებითი პენსიის თემაზე მიძღვნილი სემინარები, მანამდე თბილისში, თელავსა და ქუთაისში ჩაატარა.
